Monday, 29 November 2021

നോവല്‍


Text Formatted
naithikamandalam-story-title
Image Full Width
Image Caption
ചിത്രീകരണം : സുധീഷ് കോട്ടേമ്പ്രം
Text Formatted

അധ്യായം ഏഴ്: ആസാമി

‘നീ പോടാ തമിഴാ’ ഇലഞ്ചിപ്പഴത്തിന്റെ ഒരു കഷണവുമായി ഇരിക്കുന്ന സരവണനോട് ജോജി പറഞ്ഞു.

‘ഉം എന്തേ, സരവണനിട്ടു ചാമ്പുന്നത്. വിട്ടേക്ക് ജോജി’.
‘ഏയ് അങ്ങനെയൊന്നുമല്ല, ഇവന്‍ പറയുന്നത് കേട്ടില്ലേ.’
കുറച്ചുനേരം ജോജിയും ഉമ്മിണിയും മിണ്ടിയില്ല. സരവണന്‍ ഇലഞ്ഞിപ്പഴം മുഴുവന്‍ കടിച്ചുതീര്‍ത്തു. അവന്റെ മുടിയിഴകള്‍ നെറ്റിയിലേക്കു തൂങ്ങിനിന്ന മുഖത്ത് കള്ളച്ചിരി.
‘ഇന്ത ബംഗാളികള്‍, വിട്ട പുള്ളൈകളല്ലൈ!’

‘നീ ഒന്നുകില്‍ തമിഴ് പറയ് അല്ലെങ്കില്‍ മലയാളത്തില്‍ പറയ്. ഒരുമാതിരി കാച്ചിലും തൈരും തമ്മില്‍ കുഴക്കാതെ.’
‘ഇവന്‍ പറയുകയാ ബംഗാളികളെ അത്ര നല്ലവരായി കണക്കാക്കരുതെന്ന്.’
‘ഓ. വേണ്ട; എന്താ കാരണം പറയുന്നേ’?
‘ബംഗാളികള്‍ ആസാമിനെ ഇല്ലാതാക്കുകയാണെന്നാ അവന്റെ പരാതി.’
‘ഓഹോ. അതും ഉണ്ടായോ? അതെങ്ങനെ?’
‘എഴുപതുകളിലെ യുദ്ധവേളയില്‍ ബംഗ്ലാദേശികളും ചൈനക്കാരും അലവലാതി പേടിത്തൂറികളായ പട്ടാളക്കാരും ആസാമിലേക്ക് കുടിയേറിയിട്ടുണ്ട്. അവരോടൊപ്പം കുബുദ്ധികളായ ബംഗാളികളും കൂടിയിട്ടുണ്ടത്രേ. ഇവരങ്ങ് കുടിയേറി ആസാമിനെ കച്ചവടംചെയ്തു. ദുര്‍ഗാഷ്ടമി നടത്തിയും ബംഗാളി പറഞ്ഞും മാറ്റിയെടുത്തെന്നാ പറയുന്നത്.’

‘സരവണാ, നീ ഇന്നലെ സ്വപ്നം കണ്ടതാണോ?’
‘അവന്‍ ഇലഞ്ചിവിത്ത് വലിച്ചെറിഞ്ഞു. ‘നാന്‍ മലയാളത്തില്‍ ശൊല്ലട്ടുമാ’; അവന്‍ ലുങ്കി ഒതുക്കി ഇരുന്നു.

‘ബംഗാളികള്‍ ആസാമില്‍ കേറിമറിഞ്ഞു. വെളുത്ത ബംഗാളികളെ സായിപ്പിനു തുല്യമായി ആസാമികള്‍ കാണാന്‍ തുടങ്ങി. ബംഗാളി ശ്രേഷ്ഠഭാഷയാണെന്ന് പ്രചരിപ്പിച്ചു. ബംഗാളികള്‍ ആസാമി സംസ്‌കാരത്തിനു മുകളിലാണ് കയറിയിരുന്നത്. ആദ്യം ഭാഷയില്‍ പിടിച്ചു. പിന്നെ ആചാരങ്ങളില്‍, വീട്ടില്‍ തൂക്കുന്ന ഫോട്ടോകളില്‍, ആസാമെന്നത് തൽക്കാലം താമസിക്കാനുള്ള സ്ഥലമാണെന്നും മറ്റൊരു കാലത്ത് ഇവിടന്ന് കുറ്റിയുംപറിച്ച് പോകേണ്ടവരാണ് തങ്ങളെന്നും ജനങ്ങളില്‍ വിപരി ദേശീയത വളര്‍ത്തി. ആസാമീസ് ഭാഷ സംസാരിക്കുന്നതിനിടയിലേക്ക് കുട്ടികള്‍പോലും ബംഗാളിയിലെ തൊലിവെളുപ്പുള്