Wednesday, 20 October 2021

Film Studies


Text Formatted

കബനീനദി ചുവന്നപ്പോൾ


ഇടതുപക്ഷ രാഷ്ട്രീയത്തെയും അതിന്റെ സൗന്ദര്യശാസ്ത്രത്തെയും ചലച്ചിത്രരചനയിലേക്ക് കൊണ്ടുവന്ന, മലയാള സിനിമയെ രാഷ്ട്രീയവത്കരിച്ച പി.എ. ബക്കര്‍ എന്ന സംവിധായകനെ അടയാളപ്പെടുത്തുന്നു
 

Image Full Width
Image Caption
പി.എ ബക്കർ ‘സംഘഗാന’ത്തിന്റെ സെറ്റില്‍
Text Formatted

ടിയന്തരാവസ്ഥക്കാലത്തെ ഏറ്റവും മൂര്‍ത്തവും സജീവവുമായ ഓര്‍മകളിലൊന്ന് കബനീനദി ചുവന്നപ്പോള്‍ എന്ന സിനിമയെക്കുറിച്ചുള്ളതാണ്. ഋത്വിക് ഘട്ടക്കിന്റെ പേരില്‍ ഞങ്ങള്‍ ചില സുഹൃത്തുക്കളാരംഭിച്ച ഫിലിം സൊസൈറ്റി പ്രദര്‍ശിപ്പിച്ച ആദ്യ സിനിമയായിരുന്നു അത്. ഉദ്ഘാടകനായ കടമ്മനിട്ടയുടെ കാവ്യാലാപനത്തിനുശേഷം സ്‌ക്രീനില്‍ത്തെളിഞ്ഞ ആളുന്ന പന്തവും അതിന് അകമ്പടിയായി ഉയര്‍ന്ന സംഗീതവും അടിയന്തരാവസ്ഥയുടെ ക്രൗര്യത്തിനെതിരെയുള്ള രോഷപ്രകടനമായിട്ടാണ് തീവ്ര ഇടതുപക്ഷാഭിമുഖ്യമുള്ള ഞങ്ങള്‍ കോളജ് വിദ്യാര്‍ത്ഥികള്‍ക്ക് അനുഭവപ്പെട്ടത്. ആ സിനിമയെക്കുറിച്ചെഴുതിയ നിരൂപണത്തോടെയാണ് സിനിമാപഠനവും സിനിമയെക്കുറിച്ചുള്ള എഴുത്തും ജീവിതത്തിന്റെ ഭാഗമായതെന്നും പറയാം.

പതിറ്റാണ്ടുകള്‍ക്കുശേഷം വീണ്ടും കബനീനദി കാണാനിടയായപ്പോഴും അന്നെഴുതിയത് തിരുത്തണമെന്ന് തോന്നിയില്ലെന്നതാണ് വാസ്തവം. കൂട്ടിച്ചേര്‍ക്കുവാനുള്ളത് ഇതുമാത്രമാണ്-  മലയാളത്തിലെ കലാസിനിമയുടെ, സാമൂഹികപ്രശ്‌നങ്ങളോടുള്ള പരാങ്മുഖതയെയും വരേണ്യതയെയും തിരസ്‌കരിച്ചുകൊണ്ട് സിനിമയ്ക്ക് രാഷ്ട്രീയമായ ഉള്ളടക്കം നല്‍കിയെന്നതാണ് കബനീനദിയുടെ ചരിത്രപരമായ പ്രസക്തി. കലയും കാലവും മുഖാമുഖം നില്‍ക്കുന്ന ഒരു സൗന്ദര്യദര്‍ശനമായിരുന്നു ബക്കറിന്റെ ചലച്ചിത്രപ്രവര്‍ത്തനത്തെ നിര്‍ണയിച്ചത്. ദന്തഗോപുര കലാകാരന്മാര്‍ക്ക് അസാധ്യമായ ധീരമായൊരു നിലപാടാണത്.          

1993 നവംബറില്‍ ഓര്‍മയായ പി.എ.ബക്കറിന്റേതായി ( 1940-1993) പതിനൊന്ന് ഫീച്ചര്‍ സിനിമകളാണ് നമ്മുടെ മുന്നിലുള്ളത്. അവയില്‍ ഇന്നും എനിക്കേറ്റവുമിഷ്ടം കബനീനദിയോടാണ്. എഴുപതുകളിലെ മികച്ച പത്ത് മലയാളസിനിമകളിലൊന്ന് എന്ന് നിസ്സംശയം പറയാവുന്ന കബനിതന്നെയാണ് ബക്കറിന്റെ ഏറ്റവും നല്ല സിനിമയെന്നാണ് എന്റെ ബോധ്യം. സ്വയം നിര്‍മാതാവായപ്പോള്‍ നിര്‍മിച്ച ആദ്യചിത്രത്തിലൂടെ ജനപ്രിയസിനിമയുടെ പതിവ് ചേരുവകളെ തിരസ്‌കരിച്ച ബക്കര്‍ ആദ്യമായി സംവിധാനംചെയ്ത ചിത്രത്തിലൂടെ കലാസിനിമയുടെ ദൗര്‍ബ്ബല്യങ്ങളെയും മാറ്റിനിര്‍ത്തുവാനാണ് ഉദ്യമിച്ചത്. അതിനാല്‍, മലയാളസിനിമയെ ആധുനികവല്‍ക്ക