Sunday, 17 October 2021

ക്ലാസ്റൂം ഓര്‍മകള്‍


Text Formatted

വീരാൻകുട്ടി മാഷ്​ സമ്മാനിച്ച സിമ്പോർസ്​ക

സയൻസ്​ വിട്ട്​ തുടർപഠനത്തിന്​ ‘മാഷിന്റെ കുട്ടി’യായി മലയാളം തെരഞ്ഞെടുത്ത ഒരു വിദ്യാർഥി അനുഭവം

Image Full Width
Image Caption
വീരാന്‍കുട്ടി / Photo: Veerankutty Mehfil, Fb
Text Formatted

ചിതറിയ ചില ഓർമകളാണിത്; എന്റെ കോളേജ് കാലത്തു നിന്നുള്ളത്.
വീരാൻകുട്ടി മാഷെ ഞാൻ പരിചയപ്പെടുന്നത് അക്കാലത്താണ്. വീരാൻകുട്ടി എന്ന കവിയെ അതിനും മുന്നേ പരിചയമുണ്ടായിരുന്നു. സയൻസ് ബ്ലോക്കിൽ സെക്കൻറ്​ ലാംഗ്വേജ്​ ക്ലാസിൽ മാഷ് വരാൻ തുടങ്ങിയതോടെ വ്യക്തിപരമായ ഒരടുപ്പവും ഞങ്ങൾ തമ്മിൽ രൂപപ്പെട്ടു. മടപ്പള്ളി ഗവ. കോളേജിലെ മലയാളം വിഭാഗത്തിന് ഇപ്പോഴും സ്വന്തമായി കുട്ടികളില്ല. പക്ഷെ മാഷ് പ്രധാനമായി കണ്ട ഒരു കാര്യമുണ്ട്. ഭാഷാധ്യാപകർക്ക് എല്ലാ വിഭാഗത്തിലെ കുട്ടികളെയും പരിചയപ്പെടാൻ അവസരമുണ്ട് എന്നതാണത്. അതിനാൽ എല്ലാ വിഭാഗത്തിലെ കുട്ടികളെയും മാഷ് സ്വന്തമാക്കി. ഞാനൊക്കെ മാഷിന്റെ കുട്ടിയായിത്തന്നെ തുടർപഠനത്തിന് മലയാളം തെരഞ്ഞെടുത്തു. സയൻസ് വിട്ടു. കാലടിയിൽ തന്നെ എം. എ പഠിക്കണം എന്നത് മാഷിന്റെ നിർദേശമായിരുന്നു.

ഏതെങ്കിലും ഗൈഡോ നോട്ടോ പഠിക്കാൻ മാഷ് പറഞ്ഞില്ല. സാഹിത്യ ചരിത്രം തന്നെ വായിപ്പിച്ചു. അന്ന് വാങ്ങിയ സാഹിത്യ ചരിത്രം ഇപ്പോഴും കൂടെയുണ്ട്. പല പരീക്ഷകളിൽ അത് കൂട്ടായി.

അഡ്മിഷൻ കിട്ടിയപ്പോൾ ഞാനും മാഷും സന്തോഷിച്ചു. എൻട്രൻസിന് പഠിക്കാൻ ജോർജിന്റെ സാഹിത്യ ചരിത്രം വാങ്ങിപ്പിക്കുന്നത് മാഷാണ്. അതിലെ എല്ലാ വാദങ്ങളും ശരിയാണെന്ന് ഞാൻ വിശ്വസിച്ചു. ഭാഷോല്പത്തിയെക്കുറിച്ചുള്ള ചോദ്യത്തിന് മലയാളം ഒരു സ്വതന്ത്രഭാഷയാണെന്നൊക്കെ എൻട്രൻസിന് എഴുതിയും വച്ചു. എന്നിരുന്നാലും അത് വായിച്ചതിന്റെ ഗുണം മിക്ക ചോദ്യങ്ങൾക്കും ഉത്തരമെഴുതുമ്പോൾ ഞാൻ തിരിച്ചറിയുന്നുണ്ടായിരുന്നു. അതൊരു വലിയ പാഠമായി ഞാൻ കരുതുന്നു. ഏതെങ്കിലും ഗൈഡോ നോട്ടോ പഠിക്കാൻ മാഷ് പറഞ്ഞില്ല. സാഹിത്യ ചരിത്രം തന്നെ വായിപ്പിച്ചു. അന്ന് വാങ്ങിയ സാഹിത്യ ചരിത്രം ഇപ്പോഴും കൂടെയുണ്ട്. പല പരീക്ഷകളിൽ അത് കൂട്ടായി. ഇത്രയധികം ഉപയോഗിക്കേണ്ടി വരുമെന്ന് വാങ്ങുമ്പോൾ കരുതിയതേയില്ല.

simborska