Wednesday, 20 October 2021

Children's Book


Text Formatted

മോത്തായിനായി മുത്തശ്ശി

മലയാളത്തിനു പുറത്തുള്ള ബാലസാഹിത്യം പരിചയപ്പെടുത്തുന്ന പംക്തി. മാരികോ സിന്‍ജുവിന്റെ Mottainai Grandma വായിക്കാം
 

Image Full Width
Image Caption
'മോത്തായിനായി മുത്തശ്ശി' കവര്‍
Text Formatted

2004ല്‍ സമാധാനത്തിനുള്ള നോബല്‍ സമ്മാനം കിട്ടിയ വാന്‍ഗാരി മാതായ് ആണ് ഐക്യരാഷ്ട്രസഭയില്‍ മോത്തായിനായി എന്ന വാക്ക് അവതരിപ്പിക്കുന്നത്. അന്നു മുതല്‍ ആളുകള്‍ അന്വേഷണമായി, എന്താണ് ഈ മോത്തായിനായി? ജാപ്പനീസ് ഭാഷയില്‍ തന്നെ ഈ വാക്കിന് അര്‍ത്ഥം ദുഷ്‌കരം എന്നാണത്രെ. അപ്പോള്‍ പിന്നെങ്ങനെയാണ് അന്യഭാഷകളിലേക്കു വിവര്‍ത്തനം ചെയ്യുക?

എഴുത്തുകാരിയും ചിത്രകാരിയുമായ മാരികോ സിന്‍ജുവിന്റെ മകന്‍ അമ്മയോടു ചോദിച്ചു, ""അമ്മേ എന്താ ഈ "മോത്തായിനായി'?''

​​​​​​​ആ ചോദ്യത്തിനുള്ള ഉത്തരമായാണ് ഈ പുസ്തകം വരച്ചുണ്ടാക്കിയത്! 

"പാഴാക്കരുത്,' എന്നതായിരിക്കും മോത്തായിനായിക്കു കൊടുക്കാവുന്ന ഏറ്റവും അടുത്ത മലയാള തര്‍ജമ.

"എന്തൊരു പാഴ്,' എന്നും വിവര്‍ത്തനം ചെയ്യാം.

പ്രകൃതിവിഭവങ്ങള്‍ ഉപയോഗിക്കുന്നതിനെക്കുറിച്ചാണ് ഈ വാക്ക് അര്‍ത്ഥമാക്കുന്നത്.

നമ്മളുപഭോഗിക്കുന്ന വസ്തുക്കള്‍ ഉണ്ടാക്കുന്നവരെക്കുറിച്ചും ഈ വാക്ക് സൂചിപ്പിക്കുന്നു.

ഒരു വസ്തു അശ്രദ്ധമായി ഉപയോഗിക്കുകയോ പാഴാക്കുകയോ ചെയ്യുന്ന സാഹചര്യത്തില്‍, അതിന്റെ പ്രകൃതിയിലെ ഉറവിടം വരെ സൂചിപ്പിക്കുന്ന അര്‍ത്ഥവ്യാപ്തി ഉള്ള ഒരു വാക്കാണിത്. ജപ്പാന്‍ പോലെ ഭക്ഷണവസ്തുക്കളും മറ്റു ഉപഭോഗവസ്തുക്കളും നിര്‍ലോഭം ലഭിക്കുന്ന രാജ്യത്ത് മോത്തായിനായി എളുപ്പം മനസ്സിലാവില്ല എന്ന് മാരികോ സിന്‍ജു പറയുന്നു. ജപ്പാന്‍കാരും ലോകമെങ്ങുമുള്ള മറ്റു മനുഷ്യരും എപ്പോഴും മോത്തായിനായി എന്ന് വിചാരിച്ചാല്‍ ലോകസമാധാനം ഉണ്ടാകും എന്നാണ് എഴുത്തുകാരി പറയുന്നത്.  

ഈ പുസ്തകത്തിലെ കുട്ടിയുടെ പാത്രത്തില്‍ ഭക്ഷണം ബാക്കിയാവുമ്പോള്‍ മുത്തശ്ശി വന്നു വിളിക്കും, "മോത്തായിനായീ!'

"ഒത്തിരി ഭക്ഷണം ബാക്കി- മോത്തായിനായീ, ഞാന്‍ കഴിക്കാം?'

ചം ചം...... ചംചം...! ഗ്‌ളം.... ഗ്‌ളം....!

പിന്നെ അവര്‍ പറയും, "ഓ, ഒത്തിരിച്ചോറ് മുഖത്തൊട്ടിപ്പിടിച്ചല്ലോ,  മോത്തായിനായീ!'

അവര്‍ ആ കുട്ടിയുടെ