Monday, 18 October 2021

മാധ്യമങ്ങൾ കാണാത്ത ഇന്ത്യ- 18


Text Formatted

സാരിത്തലപ്പുകൊണ്ട് മുഖംമറച്ച, ജംഗിപുരിലെ പെണ്‍തെറുപ്പുകാര്‍

നരച്ച വീടുകള്‍, ചിലത് തീപ്പെട്ടിക്കൂടുപോലെ. ജനലും വാതിലും പഴയ സാരി കൊണ്ട് മറച്ചവ, മേല്‍ക്കൂര, ഷീറ്റുകള്‍ കൊണ്ട് മേഞ്ഞത്. ബീഡിയും ചായയും വില്‍ക്കുന്ന പുരകള്‍, മുടിവെട്ടു കസേരകള്‍, കടകളല്ല. മരക്കേസര, ചെറിയ കണ്ണാടി, വെള്ളം, ചീര്‍പ്പ്, കത്രിക, തണലായി വന്‍ മരങ്ങളും. അതാകുന്നു മുടിവെട്ട് കട. മതാനുഷ്ഠാന ചിട്ടകളും സമൃദ്ധ ദാരിദ്ര്യവും. അതാണ് ഗ്രാമങ്ങളുടെ പൊതുഭാവം. ഒരുപക്ഷേ ഇനിയവരെയെല്ലാം കാത്തിരിക്കുന്നത് പൗരത്വ പ്രശ്‌നമാകാം.

Image Full Width
Image Caption
ജംഗിപുരിലെ ബീഡി തെറുപ്പു തൊഴിലാളികള്‍ / Photo: PARI, Arunava Patra
Text Formatted

ല കാരണങ്ങളാല്‍, അവിടത്തെ വഴികള്‍, അമിതാവ് ഘോഷിന്റെ നോവലിലെ ലോകം ഓര്‍മയിലേക്ക് വന്നു. പുകയില ഗന്ധമുള്ള ദേശമായതുകൊണ്ടാകാം. ഉമര്‍പുരിലേയും ലാല്‍ഗോളയിലേയും ഇല്യാസ്​പുരിലേയും ഹബിപുരിലേയും മണ്‍വഴികള്‍ക്കും വീടുകള്‍ക്കും ബീഡിയുടെ മണമാണ്. മുര്‍ഷിദാബാദിലേയും ബര്‍ഹാംപുരിലേയും ബീഡി തൊഴിലാളി ലോകം അങ്ങനെയാണ്​.
മൊനിഗ്രാം, നതുന്‍ഗഞ്ച്, ബാലിയ, രഘുനാഥ്ഗഞ്ച്, മിട്ടിപുര്‍, നസിപുര്‍, ഗൊര്‍ശാല, ജയ്‌റാംപുര്‍, സെയ്താപുര്‍, ത്രിമോഹിനി എന്നിങ്ങനെ, പേരില്‍ മധുരവും ചന്തമുവുള്ള, എന്നാല്‍ ജീവിതത്തിന് വല്യ ഭംഗിയൊന്നുമില്ലാത്ത, നരച്ച കാഴ്​ചകളുടെ മണ്ണ്.
ബംഗ്ലാദേശിലേക്ക് ഒഴുകുന്ന പത്മാനദിയുടെ കൈവഴികളിലെ ജനവാസ പഥങ്ങള്‍. ഇടയ്ക്ക് കവിഞ്ഞൊഴുകിയും കൊടുംവേനലില്‍, വരണ്ടുണങ്ങി, നീരൊഴുക്കിന്റെ ഓര്‍മയുള്ള മണല്‍പ്പാടമായും സഞ്ചരിക്കുന്ന നദിയോരത്തെ, അതിജീവന വ്യഗ്രതയാല്‍ പെടാപാടുപെടുന്ന അതിര്‍ത്തി ഗ്രാമങ്ങള്‍.
ബംഗ്ലാദേശിലേക്കെത്തി മേഘ്‌നയായി, സമുദ്രത്തില്‍ ചേരുന്നതിന് മുമ്പ് പത്മാനദി, ഈ ജീവിതങ്ങളില്‍, ജലസാന്നിധ്യമായി നിറഞ്ഞു നില്‍ക്കുന്നു. മറുവശത്തുകൂടെ ഹൂഗ്ലി, കൈവഴികളിലൂടെ വന്നുചേരുന്നു.
ബംഗ്ലാദേശിന്റെ രാജ്യാതിര്‍ത്തിയിലേക്ക് ഒരു കടത്തുദൂരം മാത്രം.
ബീഡിതെറുപ്പും മണല്‍വാരലും ഇടത്തരം കൃഷിയും വളര്‍ത്തുമൃഗങ്ങളും കറവും ചെറിയ കൂലിക്കടത്തുകളുമെല്ലാമുണ്ട്.

berhampore
ബർഹാംപൂർ ഗ്ര