Thursday, 21 October 2021

ആവർത്തനപ്പട്ടികയിലെ ജീവിതം- 13


Text Formatted

കമ്പ്യൂട്ടര്‍ എത്തിയപ്പോള്‍ ഫാക്ടില്‍ സംഭവിച്ചത്

കാത്തിരുന്ന ഉദ്ഘാടന ദിനം വന്നെത്തി. പ്രോഗ്രാം അവസാന മിനുക്കുപണികളും എല്ലാം കഴിഞ്ഞ് സജ്ജമായി. ഉദ്ഘാടനത്തിന് എല്ലാവരും എത്തി. ഉദ്ഘാടകനും എത്തി. പിന്നെ നടന്നതൊക്കെ വലിയ ട്വിസ്റ്റുകളായിരുന്നു.

Image Full Width
Image Caption
ചിത്രീകരണം: പ്രദീപ് പുരുഷോത്തമന്‍
Text Formatted

കുടിവെള്ളത്തില്‍ സാധാരണയായി പരിശോധിക്കുന്നത് പി. എച്ച് മൂല്യം, കാഠിന്യം (Hardness), നിറം, ടര്‍ബിഡിറ്റി, ലവണാംശം എന്നിവയാണ്. കൂടാതെ അതില്‍ ഹാനികരമായ ബാക്ടീരിയകളുടെ സാന്നിദ്ധ്യവും പരിശോധിക്കേണ്ടതുണ്ട്. ഇരുമ്പ്, ചെമ്പ് തുടങ്ങിയവയുടെ സാന്നിദ്ധ്യവും പരിശോധിക്കും.

പി.എച്ച് മൂല്യം ജലത്തിന് ക്ഷാരഗുണമോ അമ്ലഗുണമോ ഉള്ളത് എന്നതിന്റെ സൂചകമാണ്. ജലം ന്യൂട്രല്‍ ആയതുകൊണ്ട് പി. എച്ച് മൂല്യം 7 ആണ് ഉണ്ടാവേണ്ടത്. ലോകാരോഗ്യസംഘടനയുടെ ശുപാര്‍ശയും ഇന്ത്യന്‍ സ്റ്റാന്‍ഡേര്‍ഡ് അനുസരിച്ചും കുടിവെള്ളത്തിന് 6.5 മുതല്‍ 7.5 വരെ പി. എച്ച് മൂല്യം ആവാം.
ജലകാഠിന്യം കാല്‍സ്യത്തിന്റെയും മഗ്‌നീഷ്യത്തിന്റെയും ലവണങ്ങള്‍ മൂലമാണ് മുഖ്യമായും ഉണ്ടാവുന്നത്. അതില്‍ത്തന്നെ കാല്‍സ്യം കാര്‍ബണേറ്റും മഗ്‌നീഷ്യം കാര്‍ബണേറ്റുമാണ് പ്രധാന ലവണങ്ങള്‍. ഇതുരണ്ടും ചേര്‍ത്ത് ടോട്ടല്‍ ഹാര്‍ഡ്‌നെസ് എന്നാണ് പറയുക. കാല്‍സ്യം കാര്‍ബണേറ്റ് ആയാണ് അത് റിപ്പോര്‍ട്ട് ചെയ്യുക. (Total Hardness as CaCO3) കാഠിന്യം 200 മില്ലീഗ്രാം/ലിറ്റര്‍ (മറ്റ് കുടിവെള്ളം ലഭ്യമല്ലെങ്കില്‍ 600) വരെയാവാം. 

രാത്രി രണ്ടുമണിക്കും മൂന്നുമണിക്കുമൊക്കെ ഏലൂര്‍ ഐലന്റിലെ പല ഭാഗങ്ങളിലും പോയി വെള്ളം സാമ്പിള്‍ ചെയ്യേണ്ടിവന്നിട്ടുണ്ട്. അങ്ങനെ പോവുമ്പോള്‍ കണ്ട മനോഹരമായ കാഴ്ചകളിലൊന്ന് ഏലൂര്‍ ചൗക്കയിലെ രാത്രിക്കാഴ്ചയാണ്.

ജലത്തിലെ ഉപ്പിന്റെ അംശമാണ് ലവണാംശം. അത് സോഡിയം, മഗ്‌നീഷ്യം തുടങ്ങിയവയുടെ ക്‌ളോറൈഡ് ലവണങ്ങളായിരിക്കും. അത് റിപ്പോര്‍ട്ട് ചെയ്യുന്നത് ക്ലോറൈഡ് ആയിട്ടാണ്. അത് 250 മില്ലീഗ്രാം/ലിറ്റര്‍ വരെയാവാം.
ജലത്തിലെ സ്വതന്ത്രാവസ്ഥയിലുള്ള ക്ലോറിന്റെയും അമോണിയയുടെയും അളവും അറിയേണ്ടതുണ്ട്.
അപകടകരമായ ബാക്ടീരിയകള്‍ ഉണ്ടാവാനേ പാടില്ല.
ഇക്കാര്യത്തില്‍ ലോകാരോഗ്യസംഘടനയേക്കാള്‍ കര്‍ക്കശമായ നിര്‍ദ്ദേശങ്ങളാണ് ഇന്ത്യന്‍ സ്റ്റാന്‍ഡേര്‍