Friday, 26 November 2021

സിനിമാ പഠനം


Text Formatted

ഗള്‍ഫുകാരന്റെ വിവാഹവും പൊലീസിന്റെ നോട്ടങ്ങളും

'യവനിക'യുടെ സാമൂഹിക പാഠങ്ങള്‍

'യവനിക' എന്ന സിനിമ നാല്‍പതു വര്‍ഷം പൂര്‍ത്തിയാക്കുകയാണ്. കുറ്റാന്വേഷണ സിനിമ എന്ന നിലയ്ക്ക് അടയാളപ്പെട്ടു കിടക്കുന്ന 'യവനിക'യിലെ കേരളീയമായ സാമൂഹ്യപാഠങ്ങളും കലയിലെ പെണ്ണിന്റെ തൊഴിലിടങ്ങളും കലയിലേയ്ക്കുള്ള പൊലീസ് നുഴഞ്ഞുകയറ്റങ്ങളും വിശകലനം ചെയ്യപ്പെടുന്നു

Image Full Width
Image Caption
ജലജയും ഭരത് ഗോപിയും, യവനികയില്‍ നിന്നുള്ള രംഗം.
Text Formatted

ഴുപതുകളില്‍ തിരുവനന്തപുരം മെഡിക്കല്‍ കോളേജില്‍ ആഴ്ചയില്‍ നാലോ അഞ്ചോ കേസുകള്‍ മാത്രമേ പോസ്റ്റുമോര്‍ട്ടം പരിശോധനയ്‌ക്കെത്തുമായിരുന്നുള്ളു. പലപ്പോഴും മൃതദേഹങ്ങള്‍ പൊലീസ് സമീപത്തുള്ള പ്രഥമികാരോഗ്യകേന്ദ്രത്തിലോ താലൂക്ക് ആശുപത്രിയിലേക്കോ പോസ്റ്റുമോര്‍ട്ടത്തിനയക്കുമായിരുന്നു. എന്നാല്‍ ക്രമേണ ആ സ്ഥിതിക്ക് മാറ്റം വന്നു. ഫോറന്‍സിക് മെഡിസിന്റെ പ്രധാന്യം ജനങ്ങള്‍ മനസ്സിലാക്കാന്‍ തുടങ്ങി. സംശയകരമായ മരണങ്ങളില്‍ മൃതശരീരം മെഡിക്കല്‍ കോളേജിലക്കയച്ച് വിദഗ്ധരെക്കൊണ്ട് പോസ്റ്റുമോര്‍ട്ടം ചെയ്യിക്കണമെന്ന് ജനങ്ങള്‍ ആവശ്യപ്പെടാന്‍ തുടങ്ങി. പൊലീസും അപ്രകാരം ചെയ്യുന്നതിന്റ ആവശ്യകത മനസിലാക്കി. അങ്ങനെ ഞങ്ങളുടെ വകുപ്പില്‍ ജോലിത്തിരക്കേറുവാനും തുടങ്ങി''- (ഉമാദത്തന്‍, 2016).  എഴുപതുകളില്‍ തിരുവനന്തപുരം മെഡിക്കല്‍ കോളേജില്‍ ഫോറന്‍സിക് വിഭാഗത്തില്‍ ജോലിയില്‍ പ്രവേശിച്ച ഉമാദത്തന്റെ ആത്മകഥാപരമായ കുറിപ്പിലെ ഒരു ഭാഗമാണിത്.

എഴുപതുകളോടെ കേരളത്തില്‍ വര്‍ധിച്ചുവന്ന ഫോറന്‍സിക് സയന്‍സിന്റെ പ്രധാന്യത്തെ ചരിത്രപരമായി അടയാളപ്പെടുത്തുകയാണ് അദ്ദേഹം ചെയ്യുന്നത്. കേരളത്തില്‍ കുറ്റകൃത്യങ്ങളും അതിലൂടെ കൊലപാതകവും നടന്നാല്‍ അത് അന്വേഷിച്ചു കണ്ടുപിടിക്കേണ്ടതാണെന്ന ബോധം ശക്തിപ്പെട്ടതിന്റെ സാമൂഹികതലം ഇവിടെ വായിക്കാം. ജാതിയും മന്ത്രവാദവും ശക്തമായിരുന്ന കേരളത്തിന്റെ സാമൂഹികതയില്‍ ഒരു കൊലപാതകം പൊതുവേ പ്രേതം പോലുള്ള അധീശശക്തികളുടെ സാന്നിധ്യമായി കരുതുകയും അത്തരം സഥലങ്ങള്‍ പിന്നീട് ദുരാത്മാക്കളുടെയോ യക്ഷികളുടെയോ ഇടമായി മാറുകയും ചെയ്തിരുന്നു. യക്ഷി - മന്ത്രവാദ കഥകള്‍ കൊലപാതകങ്ങളെ അവയുമായി ബന്ധിപ്പിക്കുന്ന അന്തരീക്ഷം സൃഷ്ടിച്ചിരുന്നു. സംശയകരമായ മരണം കണ്ടാല്‍ അത് ശാസ്ത്രീയ പരിശോധനയിലൂടെ കൊലപാതകമാണോ ആത്മഹത്യയാണോ എന്ന് നിശ്ചയിക്കേണ്ടതുണ്ടെന്ന തിരിച്ചറിവ് കേരളത്തില്‍