Saturday, 27 November 2021

മഹാനഗരത്തിന്റെ കഥ


Text Formatted

ഉസ്​കി റോട്ടി

മഹാരാഷ്ട്ര- കര്‍ണാടക അതിര്‍ത്തിപ്രദേശമായ ഗുല്‍ബര്‍ഗ  ‘പഹാഡി' ഗ്രാമത്തിലെ ഗിരിവര്‍ഗക്കാരിയായ ഛന്ദാ ബായിയുടെ ജീവിതമാണിത്​. കൊടുംപരീക്ഷണങ്ങളെ ധീരയായി പൊരുതിത്തോൽപ്പിച്ച ഒരു സ്​ത്രീ, ബോംബെ നഗരത്തിൽ കാലുറപ്പിച്ച കഥ.

Image Full Width
Image Caption
മുംബൈ നഗരം, ഒരു ദൂരക്കാഴ്​ച / Photo: Wikimedia Commons
Text Formatted

​​​​​​​തിവുപോലെ ഇന്നും ഞാന്‍ രാവിലെ അഞ്ചരക്കുണര്‍ന്നു. 
‘‘ആദത് സെ മജ്ബൂര്‍ ഹും സാഹേബ്'', ശീലമാണ് മാഷേ! 
ഫ്‌ളാറ്റിന്റെ ബാല്‍ക്കണിയിലെ ചില്ലുജനാലകള്‍ തുറന്നു.
തണുത്ത കാറ്റടിച്ചു. ഞങ്ങളുടെ കെട്ടിടസമുച്ചയത്തില്‍ ധാരാളം പനകളുണ്ട്. അവയില്‍ തൂങ്ങിക്കിടക്കുന്ന കുരുവിക്കൂടുകളിലെ ചിലയ്ക്കുന്ന പക്ഷികളും സമയനിഷ്ഠ പാലിക്കുന്നുവെന്നുതോന്നി. ഞാന്‍ റേഡിയോ മിര്‍ചി എഫ്.എം. ഓണ്‍ ചെയ്തു. സുപ്രഭാതം നേര്‍ന്ന് റേഡിയോ ജോക്കി കര്‍മനിരതനായി. 
‘ഘനശ്യാമ സുന്ദരാ, ശ്രീധരാ, അരുണോദയ ഝാല...' എന്ന പ്രശസ്​ത ഭൂപാലി ഗാനം കേട്ടുതുടങ്ങി. വി. ശാന്താറാമിന്റെ അമര്‍ ഭൂപാലി എന്ന സിനിമയില്‍ പണ്ഡിറ്റ് റാവ് നാഗാര്‍ക്കറും ലതാമങ്കേഷ്‌കറും ചേര്‍ന്നുപാടിയ ഈ മനോഹരഗാനം മഹാരാഷ്ട്രയിലെ ഗ്രാമ ജീവിതം തൊട്ടുണര്‍ത്തുന്നതാണ്.
ഒരിക്കലും നശിക്കാത്ത ഭൂപാലി ഗീതം. ശ്രുതിമധുരമായ ആ ഗാനം മനസ്സിനെ കൂടുതല്‍ ശാന്തമാക്കി. 
‘മ്യൂസിക് ഹീല്‍സ് ഓള്‍ പെയ്ന്‍സ്’ എന്നുണ്ടല്ലോ... ചായ തിളപ്പിക്കുന്ന ഇലക്​ട്രിക്​കെറ്റിലില്‍ വെള്ളം നിറച്ച് പ്ലഗ് ഓണ്‍ ചെയ്തു. പല്ലു തേക്കുന്നതിനിടക്കും  ‘ഘനശ്യാമ സുന്ദര... ശ്രീധരാ' അലയടിച്ചുയരുന്നുണ്ട്.

അമര്‍ ഭൂപാലി - പോസ്റ്റര്‍
അമര്‍ ഭൂപാലി - പോസ്റ്റര്‍

ടൈംസ് ഓഫ് ഇന്ത്യയും മഹാനഗരത്തില്‍നിന്ന് പ്രസിദ്ധീകരിക്കുന്ന ഒരു മലയാളപത്രവും ഫ്‌ളാറ്റിന്റെ മുന്‍വാതിലിന്റെ ഓടാമ്പലില്‍ പതിവുപോലെ തിരുകിവെച്ച് പത്രവിതരണക്കാരന്‍ സ്ഥലം വിട്ടിരിക്കുന്നു. മഹാരാഷ്ട്ര ടൈംസ്, ലോക്‌സത്ത, മുംബൈ സക്കാള്‍ എന്നിങ്ങനെ പത്രങ്ങളുടെ പേരുകള്‍ വിളിച്ചുപറഞ്ഞ് കോളനിയിലൂടെ സൈക്കിള്‍ സഞ്ചാരം നടത്