ഉഷ്​ണതരംഗങ്ങൾ ലോകത്തെ പിടിമുറുക്കികഴിഞ്ഞു,
സ്​ഥിതി കൂടുതൽ വഷളാവുകയാണ്​

ചൂട് അതിരുകടന്നുകഴിഞ്ഞു. മനുഷ്യപ്രേരിത  ആഗോളതാപനവും വര്‍ദ്ധിച്ചുവരുന്ന നഗരവല്‍ക്കരണവും ഉഷ്ണതരംഗങ്ങളുടെയും, താപതരംഗങ്ങളുടെയും, താപാഘാതത്തിന്റെയും അവസ്ഥ കൂടുതല്‍ വഷളാക്കും.

റിദാനാസർ: പരിസ്ഥിതി, കാലാവസ്ഥ തുടങ്ങിയ സംജ്ഞകളെക്കുറിച്ച് സംസാരിക്കുമ്പോള്‍ പ്രധാനമായും ആഗോളതാപനം, കാലാവസ്ഥാവ്യതിയാനം, കാര്‍ബണ്‍ ഫൂട്ട് പ്രിൻറ്​ തുടങ്ങിയ വിഷയങ്ങളെക്കുറിച്ചാണ് ചര്‍ച്ച ചെയ്യാറുള്ളത്. ആഗോളതലത്തില്‍ ഇതുമായി ബന്ധപ്പെട്ട്  Kyoto Protocol, Paris Agreement, World Climate Conference, Cop തുടങ്ങിയ നിരവധി ഉച്ചകോടികളും കരാറുകളുമൊക്കെ നടപ്പാക്കിയിട്ടുണ്ട്. പക്ഷേ ഈ ശ്രമങ്ങള്‍ക്കൊന്നും പ്രകടമായ മാറ്റങ്ങളുണ്ടാക്കാന്‍ സാധിച്ചിട്ടില്ലെന്നല്ലേ യൂറോപ്പിലെ ഉഷ്ണതരംഗവും കാലിഫോര്‍ണിയയിലെ കാട്ടുതീ പോലുള്ള സംഭവങ്ങളില്‍ നിന്നുമെല്ലാം തെളിഞ്ഞുകൊണ്ടിരിക്കുന്നത്?

ഡോ. എസ്. അഭിലാഷ്: വളരെ ശരിയാണ്. കാലാവസ്ഥാശാസ്ത്രത്തെ സംബന്ധിച്ച് ഇപ്പോള്‍ ദൃശ്യമാകുന്ന അതിതീവ്രമായ കാലാവസ്ഥാസംഭവങ്ങള്‍ അതിശയോക്തിയുള്ളതല്ല. ദ്രുതഗതിയിലുള്ള ആഗോളതാപനം മുന്‍കൂട്ടി കണ്ട് പ്രതിരോധിക്കുവാന്‍ അതാതുസമയത്തുള്ള കാലാവസ്ഥാമാറ്റത്തെക്കുറിച്ചുള്ള അറിവുകളും അതിന്റെ കാരണങ്ങളും പ്രത്യാഘാതങ്ങളും പ്രതികരണ-പ്രതിരോധ നടപടികളെക്കുറിച്ചുള്ള വിലയിരുത്തല്‍ റിപ്പോര്‍ട്ടുകളും (Assessment Report: AR) അന്താരാഷ്ട്ര സമൂഹത്തിനു മുന്നില്‍ വയ്ക്കുന്നത് International  Panel  on Climate  Change (IPCC) എന്നറിയപ്പെടുന്ന അന്താരാഷ്ട്ര കാലാവസ്ഥാ  സമിതിയാണ്. 1990-ല്‍, ഐ.പി.സി.സി കാലാവസ്ഥാ സംബന്ധമായ മാറ്റങ്ങളും, ആഗോളതാപനവും, പ്രത്യാഘാതങ്ങളും വിശദമാക്കുകയും  അന്താരാഷ്ട്ര സമൂഹം ഇതിനോട് പ്രതികരിക്കേണ്ടതിന്റെ ആവശ്യകത വ്യക്തമാക്കുന്ന ഒന്നാം അവലോകനകുറിപ്പ് (First  Assessment  Report :  AR1) പ്രസിദ്ധീകരിക്കുകയും ചെയ്തിരുന്നു. ജനീവയില്‍ 1990-ല്‍ നടന്ന രണ്ടാം  കാലാവ