Friday, 25 November 2022

അടിമമക്ക


Text Formatted

ജനീവയിൽ, ഐക്യരാഷ്​ട്ര സഭാ
​​​​​​​സമ്മേളനത്തിൽ

ഇംഗ്ലീഷ് എനിക്ക് ഒട്ടും അറിയില്ലായിരുന്നു. ആകെ അറിയുന്ന ഭാഷ ഗോത്ര ഭാഷയും, മലയാളവും, കുറച്ചു തമിഴും മാത്രം. അതുകൊണ്ട് ആളുകളോട് സംസാരിക്കാനും കാര്യങ്ങൾ ചെയ്യാനും ബുദ്ധിമുട്ടായിരുന്നു.

Image Full Width
Text Formatted

അധ്യായം 14

ദേശീയതലത്തിലെ എല്ലാ ആദിവാസി സംഘടനകളെയും, സമുദായ ഗ്രൂപ്പുകളെയും ഒന്നിച്ചുനിര്‍ത്താനുണ്ടാക്കിയ ഐ.സി.ഐ.ടി.പി. (Indian Confederation of Indigenous and Tribal Peoples- ICITP) എന്ന സംഘടനയില്‍ ഞാന്‍ അംഗമാണ്. എല്ലായിടത്തെയും ആദിവാസി പ്രശ്‌നങ്ങളെക്കുറിച്ചും, സമരങ്ങളെക്കുറിച്ചും, നിയമവശങ്ങളെക്കുറിച്ചും അറിയുകയും സഹായം നല്‍കുകയും ചെയ്യുക എന്നതായിരുന്നു ഇതിന്റെ പ്രവര്‍ത്തനലക്ഷ്യം.

എന്റെ നേതൃത്വത്തിലുള്ള ഭൂസമരത്തെക്കുറിച്ചറിഞ്ഞാണ് എന്നെ അതില്‍ അംഗമാക്കിയത്. കേരളത്തില്‍ നിന്ന്​ ഞാന്‍ മാത്രമായിരുന്നു ഈ സംഘടനയില്‍ അംഗമായിരുന്നത്. നമ്മളെ ഭൂസമരത്തെക്കുറിച്ച് പത്രത്തിലൊക്കെ വലിയ വാര്‍ത്തയായി. ‘ദ വീക്ക്' മാഗസിനിൽ എന്റെ ഇന്റര്‍വ്യൂ വന്നത് ഐക്യരാഷ്ട്ര സഭയുടെ ശ്രദ്ധയില്‍പെട്ടു. ഐക്യരാഷ്ട്രസഭ പത്തുവര്‍ഷത്തേക്ക് Indigenous Year ആയി ആഘോഷിക്കുന്നുണ്ടായിരുന്നു. അതിന്റെ ഭാഗമായി 1994 ആഗസ്റ്റില്‍ ഐക്യരാഷ്ട്രസഭ നേരിട്ട് എന്നെ ക്ഷണിച്ചു. ഐക്യരാഷ്ട്രസഭയുടെ സമ്മേളനത്തില്‍ പങ്കെടുക്കാൻ ഇന്ത്യയില്‍ നിന്ന്​ കുറെ പേരുണ്ടായിരുന്നുവെങ്കിലും അവരെല്ലാം എന്‍.ജി.ഒ.യുടെ പിന്തുണയോടെയാണ്​ സമ്മേളനത്തില്‍ പങ്കെടുത്തിരുന്നത്. ഞാന്‍ മാത്രമായിരുന്നു ഐക്യരാഷ്ട്രസഭയുടെ നേരിട്ടുള്ള ക്ഷണം സ്വീകരിച്ച് സമ്മേളനത്തില്‍ പങ്കെടുക്കുവാന്‍ പോയത്.

ck janu

ഐ.സി.ഐ.ടി.പി. ദേശീയ സമ്മേളനത്തിന്​ ന്യൂഡല്‍ഹിയില്‍ പോയ പരിചയത്തില്‍ കോഴിക്കോട്ടുനിന്ന്​ ഞാന്‍ മംഗള എക്​സ്പ്രസിൽ ഡല്‍ഹിയിലെത്തി. അവിടെനിന്ന്​ഐ.സി.ഐ.ടി.പി. പ്രസിഡൻറ്​ ഡോ. രാംദയാല്‍ മുണ്ടയും സെക്രട്ടറി പുഷ്‌കറിനും ഒപ്പം ഇന്ദിരാഗാന്ധി എയര്‍പോര്‍ട്ടിലേക്ക് പോയി. ഐക്യരാഷ്ട്രസഭയുടെ നേരിട്ടുള്ള ക്ഷണമായതിനാല്‍ അവരുടെ വിമാനമായ കെ.എല്‍.എ