Tuesday, 19 October 2021

Rural Economy


Text Formatted

അസ്വസ്ഥമാകുന്ന ഗ്രാമീണ ഇന്ത്യ - 3

തിരിച്ചുനടന്നത് എണ്‍പതുകളിലേക്കോ?

കാര്‍ഷിക മേഖലയുടെയും സൂക്ഷ്മ-ചെറുകിട-ഇടത്തരം സംരംഭങ്ങളുടെയും തകര്‍ച്ച, ലോക്ക്ഡൗണ്‍ മൂലമുണ്ടായ തൊഴില്‍ നഷ്ടങ്ങള്‍, വര്‍ധിച്ച ജീവിതച്ചെലവ്, നിനച്ചിരിക്കാതെ വര്‍ധിച്ച ഗ്രാമീണ ജനസംഖ്യ എന്നിവയൊക്കെച്ചേര്‍ന്ന് ഗ്രാമീണ സമ്പദ്‌വ്യവസ്ഥയെ വന്‍ സമ്മര്‍ദ്ദത്തിലേക്ക് തള്ളിവിട്ടുകൊണ്ടിരിക്കുകയാണ്- ഗ്രാമീണ ഇന്ത്യന്‍ ജീവിതത്തെക്കുറിച്ചുള്ള അന്വേഷണത്തിന്റെ മൂന്നാംഭാഗം

Image Full Width
Image Caption
മുളക് ശേഖരിക്കുന്ന ആദിവാസി തൊഴിലാളികള്‍ / Photos : PARI Network, Purusottam Thakur
Text Formatted

ബിഹാര്‍, മധ്യപ്രദേശ്, രാജസ്ഥാന്‍, യു.പി, ഒഡീഷ, ഝാര്‍ഖണ്ഡ്, ഛത്തീസ്ഗഢ് എന്നീ സംസ്ഥാനങ്ങളെ ഉള്‍ക്കൊള്ളിച്ച് അവയെ "ബിമാരു സ്റ്റേറ്റ്‌സ് ' (BIMARU States) എന്ന് വിശേഷിപ്പിച്ചത് ജനസംഖ്യാ ശാസ്ത്രജ്ഞന്‍ ആശിഷ് ബോസ് ആയിരുന്നു. "ബിമാരു' എന്ന ഹിന്ദി വാക്കിന് "രോഗാതുരം' എന്നാണര്‍ത്ഥം. ദാരിദ്ര്യം, അനാരോഗ്യം, തൊഴിലില്ലായ്മ, ജനപ്പെരുപ്പം, നിരക്ഷരത തുടങ്ങി മാനവ വികസന സൂചികയില്‍ ഏറ്റവും താഴെത്തട്ടിലുള്ള പ്രദേശങ്ങളെ അവയുടെ സാമൂഹ്യ പിന്നാക്കാവസ്ഥ അടയാളപ്പെടുത്തിക്കൊണ്ടായിരുന്നു 1980കളില്‍ വികസന സമ്പദ്ശാസ്ത്രവുമായി ബന്ധപ്പെടുത്തി ഇത്തരമൊരു പ്രയോഗം ഉണ്ടായത്. സാമൂഹിക വികസന മാനദണ്ഡങ്ങളുമായി ബന്ധപ്പെട്ട് സബീന ആല്‍കൈരയും (Sabina Alkire) ജെയിംസ് ഫോസ്റ്ററും (James Foster) 2015ല്‍ തയ്യാറാക്കിയ ബഹുമുഖ ദാരിദ്ര്യ സൂചിക മൂല്യ (Multidimensional Poverty Index-MPI Value) ത്തിന്റെ അടിസ്ഥാനത്തില്‍ മേല്‍പ്പറഞ്ഞ സംസ്ഥാനങ്ങളിലെ പല ഗ്രാമീണ മേഖലകളും "സബ് സഹാറന്‍' രാജ്യങ്ങള്‍ക്ക് തുല്യമായ ദാരിദ്ര്യാവസ്ഥയിലാണ് ഇപ്പോഴും കഴിയുന്നത് എന്ന് സൂചിപ്പിക്കുന്നു. ഇന്ത്യയിലെ ഉയര്‍ന്ന ദാരിദ്ര്യാവസ്ഥ നിലനില്‍ക്കുന്ന 100 ജില്ലകളില്‍ 91 എണ്ണവും മേല്‍ സൂചിപ്പിച്ച ഏഴ് സംസ്ഥാനങ്ങളിലാണ്. പുത്തന്‍ സാമ്പത്തിക പരിഷ്‌കാരങ്ങള്‍ അടക്കമുള്ള അതിനിശിതമായ സാമ്പത്തിക നയസമീപനങ്ങള്‍ സ്വീകരിക്കപ്പെട്ടശേഷവു