Wednesday, 20 October 2021

Rereading


Text Formatted

ഒരു തകരച്ചെണ്ടയുടെ ഓര്‍മ

59 വര്‍ഷംപഴക്കമുള്ള ഗുന്തര്‍ ഗ്രാസിന്റെ നോവല്‍,The Tin Drum ഇപ്പോള്‍ ഒന്നുകൂടി വായിക്കുമ്പോഴും അതിന്റെ ആഖ്യാനം കൊതിപ്പിക്കുന്നുവെന്ന് കഥാകൃത്തും നോവലിസ്റ്റുമായ ലേഖകന്‍
 

Image Full Width
Text Formatted

“If Jesus had been a hunchback, they could hardly have nailed him to the cross.”
― Günter Grass, The Tin Drum

വിടെയോ ചില്ല് പൊട്ടുന്ന ഒച്ച കേള്‍ക്കുക: ഒരു വിന്‍ഡോ, ഒരു ഗ്ലാസ്‌ ഡോര്‍, അല്ലെങ്കില്‍ നോക്കി ഇരിക്കെ മേശപ്പുറത്തെ ഗ്ലാസ്‌ ജാര്‍, ആദ്യം താഴ്ന്ന ഇരമ്പലില്‍ ഒരു വര വീഴ്ത്തുന്നു. പിന്നെ പൊട്ടുന്നു.

നീളുന്ന നിശബ്ദത കണ്ടുപിടിക്കുന്ന ഒച്ചയാണ് ഇത്.
എന്തെങ്കിലും ഒന്ന് പൊട്ടണം എന്ന് തോന്നുക.
എന്നാല്‍, അങ്ങനെ ഒന്നും സംഭവിക്കുന്നില്ല. എവിടെയും. നിശബ്ദത പെരുമാറ്റത്തിന്റെ പെരുക്കമാവുമ്പോള്‍ ഒന്നും അനങ്ങില്ല, നമ്മുടെ ചലനങ്ങള്‍ പോലും അപ്പോള്‍ നിശബ്ദതയുടെ പെരുക്കമാവുന്നു. ഉറുമ്പുകളുടെ മാര്‍ച്ച് കണ്ടിട്ടില്ലെ? മൗനത്തിന്റെ താഴ്നിലത്തിലൂടെ- അതുപോലെ.

ഇങ്ങനെ ഒന്നും സംഭവിക്കാതെ സമയം വന്നു നിറയാന്‍ തുടങ്ങിയ ഒരു പകലാണ് വീണ്ടും ഞാന്‍ ആ കുട്ടിയെ ഓര്‍ത്തത്: തന്റെ രണ്ടാമത്തെയോ മൂന്നാമത്തെയോ വയസ്സില്‍ വളരുന്നത് നിര്‍ത്തിയ, ശിഷ്ട ജീവിതം ഒരു കുള്ളനായി ജീവിക്കാന്‍ തിരഞ്ഞെടുത്ത, പ്രകൃത്യാതീത കഴിവുകളുള്ള ഓസ്ക്കാറിനെ - Oskar Matzerath - അഥവാ വീണ മാലാഖയെ. അവന്‍ എന്നെ നോക്കി ചിരിച്ചു.
പിന്നെ മടിയില്‍ വെച്ച തന്റെ ഡ്രമ്മില്‍ പതിയെ താളം പിടിച്ചു.

gunter-grass
ഗുന്തർ ഗ്രാസ്

അന്‍പത്തിയൊമ്പത് വർഷം പഴക്കമുള്ള ആ നോവല്‍, The Tin Drum ഇപ്പോള്‍ ഒന്നുകൂടി വായിക്കാന്‍ ഞാന്‍ അലമാരിയില്‍ നിന്നും എടുത്തു.
ഓസ്കാറിന്റെ മുത്തശ്ശിയുടെ കഥ ഒരൊറ്റ ഇരുപ്പില്‍ വായിച്ചു. ഗുന്തര്‍ ഗ്രാസ്സ് പ്രിയപ്പെട്ട എഴുത്തുകാരില്‍ ഒരാളാവാന്‍ ഒരുപക്ഷെ ഈ നോവല്‍ മതിയാകും. 
ഒരിക്കലും ആശ്രയി