Wednesday, 20 October 2021

A Journey to Baltic


Text Formatted

സെലക്റ്റീവായി തെരഞ്ഞെടുത്ത
ഓര്‍മകളുടെ ദേശം

മുതലാളിത്തത്തിന്റേയും അമേരിക്കന്‍ ചേരിയുടേയും ഏകതാനമായ കീഴടക്കലുകള്‍ക്ക് അനുയോജ്യമാംവിധമുള്ള ഘടനയും ഇടപെടലുകളും ഇന്നത്തെ ഭരണ സംവിധാനങ്ങളുടെ കാതലായി മാറുമ്പോള്‍ അത് സോവിയറ്റ് കാലത്തെ പ്രശ്‌നങ്ങളുടെ വ്യത്യസ്തമായൊരു പുനഃപ്രതിഷ്ഠ മാത്രമല്ലേ അവതരിപ്പിക്കുന്നത് എന്ന് ചിന്തിക്കുന്നതില്‍ അസ്വാഭാവികതകളുണ്ടെന്ന് തോന്നുന്നില്ല. 

Image Full Width
Image Caption
മഞ്ഞില്‍ ഉറഞ്ഞ തടാകത്തിന് മുകളിലൂടെ 'വില്‍നസ് ട്രക്കായ്' കോട്ടയിലേക്ക് നടന്നു പോവുന്ന സഞ്ചാരികള്‍ / ഫോട്ടോ: അമൽ പുല്ലാർക്കാട്ട്
Text Formatted

രണ്ട്

ഞ്ചരിച്ചുകൊണ്ടിരുന്ന ട്രെയിനിനുപുറത്ത് മാറിമറയുന്ന കാഴ്ചകളില്‍നിന്ന് കണ്ണെടുക്കാനേ കഴിയുന്നുണ്ടായിരുന്നില്ല.
ശരിക്കും ഒരു മഞ്ഞുമലയിലൂടെ സഞ്ചരിക്കുന്ന പ്രതീതി.
അകത്ത് നല്ല ഹീറ്റിംഗ് സംവിധാനമുണ്ടായിരുന്നതിനാല്‍ തണുപ്പിനെ പ്രതിരോധിക്കാന്‍ ധരിച്ചിരുന്ന കൈയ്യുറകളും ജാക്കറ്റും ക്യാപ്പുമെല്ലാം മാറ്റി ദീര്‍ഘനിശ്വാസത്തോടെ ഇരിക്കാറായി.

വില്‍നസ് നഗരംവിട്ട് മുന്നോട്ട് പോന്നതോടെ മരപ്പലകകള്‍ കൊണ്ട് നിര്‍മിച്ച ഭംഗിയുള്ള കൊച്ചുവീടുകള്‍ കണ്ടുതുടങ്ങി. ഗ്രാമങ്ങള്‍ക്ക് ചെറിയ റെയില്‍വേ സ്റ്റേഷനുകളുണ്ട്. അത്തരം ഒരു ഗ്രാമം വിട്ടുകഴിഞ്ഞാല്‍ പിന്നെ തുറസായ സ്ഥലങ്ങളും കൊച്ചുകുന്നുകളും വനപ്രദേശങ്ങളുമെല്ലാമാണ്. കൃഷിയിടങ്ങളുമുണ്ട്. എന്നാല്‍ എങ്ങും മഞ്ഞുകൊണ്ടുള്ള പരവതാനി വിരിച്ചിരുന്നതിനാല്‍ അതൊന്നും ഇപ്പോള്‍ തിരിച്ചറിയാന്‍ വയ്യ. ജനസാന്ദ്രത വളരെക്കുറവ്. ഇതിനിടയില്‍ വിഷ്ണുവുമായുള്ള സൗഹൃദ സംഭാഷണങ്ങള്‍ പുരോഗമിച്ചു. 

ലിത്വാനിയയില്‍ പ്രവാസി വിദ്യാര്‍ത്ഥികളായ മലയാളികളുമുണ്ട്. കൂടുതലും നേഴ്‌സിങ്ങ്, മെഡിക്കല്‍, എഞ്ചിനീയറിംഗ് മേഖലയിലുള്ളവര്‍. തമിഴ് വിദ്യാര്‍ത്ഥികള്‍ എഞ്ചിനിയറിംഗ് മേഖലയില്‍ ഏറെയുണ്ട്. ഇത് വളരെയടുത്ത് സംഭവിച്ച മാറ്റങ്ങളാണ്. വിഷ്ണു 2013 ല്‍ പഠനമാരംഭിച്ച കാലത്ത് തദ്ദേശവാസികള്‍ കൗതുകത്തോടെ ഇന്ത്യക്കാരെ ശ്രദ്ധിക്കുമായിരുന്നു എന്നുപറഞ്ഞു. അടുത്തുവന്ന് പ്രത്യേകമായി സംസാരിച്ചവരും തൊട്ടുനോക്കിയവരുമെല്ലാം ഉണ്ടത്രേ. ഇന്ത്യന്‍ ഉപഭൂഖണ്ഡത്തില്‍ നിന്ന് കൂടുതല്‍ വിദ്യാര്‍ത്ഥികള്‍ എത്തിയതോടെ ആ സാഹചര്യം മാറി. നഗരത്തിലെന്നപോലെ ട്രെയിനിലും തിരക്ക് നന്നെ കുറവ്. ട്രെയിന്‍ ഒന്നരമണിക്കൂര്‍ കൊണ്ട് കൗണസ് നഗരത്തിലെത്തി. ആ ചെറിയ രാജ്യത്ത് അതുതന്നെ വലിയൊ