Wednesday, 20 October 2021

Language Study


Text Formatted

ഉച്ചാരണവും പാരമ്പര്യങ്ങളും

ഭാഷയിലെ നിയമാനുസാരിയും അല്ലാത്തതുമായ ഉച്ചാരണങ്ങളെക്കുറിച്ച്​ ഒരു ആലോചന

Image Full Width
Text Formatted

""തിരിഞ്ഞുനോക്ക്യാല്‍ ന്താ പറ്റ്ന്ന് നിശ്ചണ്ടോ ഉണ്ണിക്ക്? അച്ഛന്‍ ചോദിച്ചു. 
തടഞ്ഞുവീഴും,
കുഞ്ഞുണ്ണി പറഞ്ഞു. 
വീണാല്‍ ന്താ ണ്ടാവ്വാ?
ബന്ധുക്കള്‍ ചിരിക്കുംന്നല്ലേ അച്ഛന്‍ പറഞ്ഞുതന്ന പഴഞ്ചൊല്ല്? 
കുട്ടി മറന്നില്ല്യാ, വ്വോ ?'' 

(ഗുരുസാഗരം, ഒ.വി. വിജയന്‍)

""തെറ്റിയും വികലമായും സംസ്‌കൃതം ഉച്ചരിക്കുന്നതുകേട്ട് ചിലര്‍ ചിരിച്ചു. അംഗഭംഗം വന്ന പദം നേരെ ചൊവ്വേ തിരുത്തിപ്പറയാന്‍ പലരും മുതിര്‍ന്നു. അന്ധമായി വിശ്വസിക്കാനും സംസ്‌കൃതം അര്‍ത്ഥമറിയാതെ ഉച്ചരിക്കുന്നവരുടെ മേല്‍ക്കോയ്മ ചോദ്യം കൂടാതെ അംഗീകരിക്കാനും കളരിയില്‍ പഠിക്കുന്നവരോ പഠിച്ചവരോ തയ്യാറില്ലായിരുന്നു.''
(തീക്കടല്‍ കടഞ്ഞ് തിരുമധുരം, സി. രാധാകൃഷ്ണന്‍)

""ദേ ആനേനെ കണ്ടോ?'' പവിത്ര തുള്ളിച്ചാടി. 
""ആനേനെ അല്ല, ആനയെ എന്നു പറയെടീ.'' കളിയായി അവനവളുടെ ചെവിക്കു നുള്ളി.
(മോദസ്ഥിതനായങ്ങു വസിപ്പൂ മലമേലെ, എസ്. ഹരീഷ്)

കോട്ടയത്തെ ചില അച്ചായന്മാരുടെ വര്‍ത്തമാനത്തില്‍ മാത്രമല്ല, കൊല്ലത്തുനിന്നുള്ള മഹാകവി ഒ.എന്‍.വി. കുറുപ്പിന്റെ കാവ്യാലാപനത്തില്‍പ്പോലും ചില ഉച്ചാരണ സ്ഖലിതങ്ങള്‍ കേട്ട് പരിഹാസമടക്കാന്‍ പാടുപെടുന്നവരെ നിങ്ങള്‍ കണ്ടിട്ടില്ലേ? ഫ യെയും ഭ യെയും ഫാനിലെ പോലെയോ, അത്തരമൊരു ചുവയോടെയോ ഉച്ചരിക്കുന്നത് കേട്ട് ചെവിയില്‍ വിരല്‍ തള്ളിക്കേറ്റാനിടവന്നതും ചെന്നിക്കുത്തുണ്ടായതും കഷ്ടം തോന്നിയതും കരച്ചില്‍വന്നതുമൊക്കെ പറഞ്ഞുകേള്‍ക്കാന്‍ ഇടവന്നിട്ടില്ലേ? മലയാളോച്ചാരണകാര്യങ്ങളില്‍ മലയാളം അധ്യാപകര്‍ക്ക്​ ഒരു "നിശ്ച്യോല്ല' എന്നതാണ് അത്തരത്തില്‍ പ്രതികരിക്കുന്ന പലര്‍ക്കും ഏറെ വേദനാജനകമായിരിക്കുന്നത്. ശിക്ഷിക്കേണ്ട കുറ്റമായിരിക്കുന്നത്. അതിഖരം, മൃദു, ഘോഷം എന്നിവ സംസ്‌കൃതോച്ചാരണശിക്ഷപ്രകാരം ഉച്ചരിക്കാത്തതാണ് പ്രശ്‌നം. സംസ്‌കൃതസംഭാഷണചതുരരെല്ലാവരും ഇതൊക്കെ ഒരേ മട്ടില്‍ സ്ഥാനനിര്‍ണയം ചെയ്തു "വേണ്ട'പോലെ നാവു തൊട്ടും തൊടാതെയും ശ്വാസിനാദിഭേദങ്ങളോടുകൂടിയും പ്രാണഭേദങ്ങളോടെയും ആണോ ഉച്ചരിച്ചുപോന്നിരുന്നത്? അങ്ങനെ നിയമാനുസാരിയായി ഉച്ചരിച്ചിട്ടാണോ ആ ഭാഷതന്നെയും ഉച്ചാരണരൂപത്തില്‍നിന്ന് മിക്കവാറും നിഷ്‌കാസിതമായത് എന്നും ആലോചിക്കാം നിയമാനുസാരികള്‍ മാത്രമുള്ള നാടും ഭാഷയും മരവിച്ച് നിശ്ചലമാകാനാണ്