Saturday, 27 November 2021

Epistemology of Science


Text Formatted

ശാസ്ത്രത്തിന്റെ ജ്ഞാനശാസ്ത്രം - 20 

ഗണസിദ്ധാന്തം ഭവശാസ്ത്രമാകുന്നു

ആധുനികതയുടേയും ജ്ഞാനോദയപ്രബുദ്ധതയുടേയും ഉദ്ഘാടകനായ ഇമ്മാനുവേല്‍ കാൻറ്​ രസതന്ത്രത്തെ ശാസ്ത്രങ്ങളുടെ പട്ടികയില്‍ ചേര്‍ക്കാന്‍ വിസമ്മതിക്കുന്നതിനെ ഓര്‍ക്കാവുന്ന സന്ദര്‍ഭമാണിത്.

Image Full Width
Image Caption
അലെയ്ന്‍ ബാദിയു / Photo: Wikimedia Commons
Text Formatted

ന്നാണോ പലതാണോ എന്ന പ്രശ്‌നം; ഏകത്തിനാണോ അനേകത്തിനാണോ മുന്‍ഗണനയെന്ന പ്രശ്‌നം, പ്ലാറ്റോയുടെ അതിഭൗതികത്തിന്റേയും ഭവശാസ്ത്രത്തിന്റേയും ജ്ഞാനശാസ്ത്രത്തിന്റേയും കേന്ദ്രപ്രശ്‌നമായിരുന്നു. പ്ലാറ്റോയുടെ മുന്‍ഗാമിയായിരുന്ന പാര്‍മെനിഡസ് കരുതിയിരുന്നത്, യാഥാര്‍ത്ഥ്യം കാലാതീതവും മാറ്റമില്ലാത്തതും ഇന്ദ്രിയാനുഭവങ്ങള്‍ കൊണ്ടു സംവദിക്കാന്‍ കഴിയാത്തതുമാണെന്നാണ്. പാര്‍മെനിഡസിന്റെ ശിഷ്യനായ സിനോ രൂപീകരിച്ച പ്രസിദ്ധമായ പൂര്‍വ്വാപരവൈരുദ്ധ്യങ്ങള്‍ (Paradoxes) ഇന്ദ്രിയാനുഭവങ്ങള്‍ മിഥ്യയാണെന്നു തെളിയിക്കാനുള്ള ശ്രമങ്ങളുടെ ഭാഗമായിരുന്നല്ലോ? കാരണയുക്തിയും ശുദ്ധചിന്തയും കൊണ്ടു ആര്‍ജ്ജിക്കുന്ന യഥാര്‍ത്ഥജ്ഞാനവും മാറിക്കൊണ്ടിരിക്കുന്ന ഇന്ദ്രിയാനുഭവങ്ങള്‍ക്കു തുല്യമായ സമവായവിശ്വാസങ്ങളും കേവലാഭിപ്രായങ്ങളും തമ്മിലുള്ള വിടവ് പ്ലാറ്റോണിക് ചിന്തയില്‍ ദൃശ്യമാണ്. സ്ഥിതമായതിനെ കുറിച്ചുള്ള, സത്തയെ കുറിച്ചുള്ള, ഏകത്വത്തെ കുറിച്ചുള്ള പ്ലാറ്റോണിക് ചിന്തയെ പില്‍ക്കാല ചിന്തകന്മാരും പങ്കു വയ്ക്കുന്നുണ്ട്. ലെബനിത്‌സില്‍ ഇതു കണ്ടെത്താം, ആധുനികകാല ചിന്തകനായ ക്വിനിലും ഇതു കാണാം.

അതിഭൗതികവും ഭവശാസ്ത്രവും അഭിമുഖീകരിച്ച പ്രശ്‌നത്തെ, അനേകത്തിനു പകരം ഏകത്വത്തെ സ്വീകരിച്ചു കൊണ്ട് ദാര്‍ശനികമായി പരിഹരിക്കാന്‍ പ്ലാറ്റോക്കു കഴിഞ്ഞതായി അലെയ്ന്‍ ബാദിയു കാണുന്നില്ല. പ്ലാറ്റോയെ പോലെ തന്നെ ഭവശാസ്ത്രത്തെ സത്യാന്വേഷണത്തിന്റെ തുടക്കമായും ഗണിതശാസ്ത്രത്തെ ഭവശാസ്ത്രമായും സ്വീകരിക്കുന്ന ബാദിയു ഏകത്വവും ബഹുലതയും തമ്മിലുള്ള പ്ലാറ്റോണിക് പ്രശ്‌നത്തെ തത്ത്വചിന്ത കടന്നുചെല്ലേണ്ട പ്രശ്‌നങ്ങളിലേക്കുള്ള സവിശേഷമായ വാതിലായിട്ടാണ് കണ്ടത്. ഉണ്മയെ ഏകത്വത്തിന്റെ പദങ്ങളില്‍ ഉള്‍ക്കൊള്ളിക്കാന്‍ കഴിയുമോയെന്ന് ബാദിയു അന്വേഷിക്കുന്നുണ്ട്. ഈ പൗരാണിക വിവാദം ഫ്രെജെയിലും റസ്സലിലും കാന്ററി(Cantor)ലും കൂടി ഗണിതത്തിലെ ഗണസിദ്ധാന്ത(