തൊലിപ്പുറത്തല്ല തോലന്‍

ഉപരിതലഭാഷയെക്കൊണ്ട്, യഥാര്‍ത്ഥ വ്യവഹാര ഭാഷയെക്കൊണ്ട്, കവിതയെ പുതുക്കുന്ന ഒരു രീതിശാസ്ത്രം തോലനെപ്പോലെ തന്നെ സമകാലീന കവിതയും പിന്തുടരുന്നു

പുരാവൃത്തത്തിന്റെ മായികപരിസരത്തില്‍ നിലനില്‍ക്കുകയും ഇപ്പോഴും തന്റെ ചൂര്‍ണികാസമാനമായ ഈരടികള്‍കൊണ്ട് മലയാളസാഹിത്യത്തില്‍ ഇടപെടുകയും ചെയ്യുന്ന കവിയാണ് തോലന്‍. കുഞ്ചന്‍ നമ്പ്യാര്‍ മുതല്‍ വി.കെ.എന്‍. വരെ എഴുതിനീങ്ങുന്ന നര്‍മത്തിന്റെയും രൂക്ഷാക്ഷേപത്തിന്റെയും കോശകേന്ദ്രം തേടിച്ചെല്ലുമ്പോള്‍ നാം ചെന്നെത്തുക തോലനിലായിരിക്കും.
"ഹൈ കള്‍ച്ചറി'നെതിരെ എപ്പോഴും പൊരുതുന്ന ഭാഷയുടെ സമാന്തരമായ ഈ എതിരൊഴുക്കുകള്‍, കാവുതീണ്ടലുകള്‍, ഏതൊരു ഭാഷയുടേയും വരേണ്യമായ (വരച്ചവരയിലൂടെ പോകുന്നതുമായ) നിയമസംഹിതകളെ പൊളിച്ചെഴുതുകയും ചെയ്യുന്നുണ്ട്. അങ്ങനെ ഭാഷയുടെ തോലുപൊളിച്ച കവിയാണ് തോലന്‍.

ജാതിയില്‍ നമ്പൂതിരിയായിരുന്നെങ്കിലും, സമൂഹഭ്രഷ്ടനായ ഒരു ബ്രാഹ്‌മണന്റെ സ്വരൂപമാണ് തോലനിലുളളതെന്ന് ചരിത്രം പറയുന്നു (കൊടുങ്ങല്ലൂരിനടുത്ത് കൊണ്ടൊഴിഞ്ഞാറ് എന്ന സ്ഥലത്തായിരുന്നു അദ്ദേഹം ജനിച്ചതെന്ന് പറയപ്പെടുന്നു). സ്ത്രീസമ്പര്‍ക്കത്തിന്റെ പേരില്‍ സമാവര്‍ത്തനം ചെയ്യപ്പെടാതെയിരിക്കുകയും, ഒടുവില്‍ സഹികെട്ട് താനണിഞ്ഞിരിക്കുന്ന തോല് (കൃഷ്ണാജിനം) "തോലന്‍' തന്നെ (നീലകണ്ഠന്‍ എന്നായിരുന്നു തോലന്റെ ശരിയായ പേര്‍) വലിച്ചുപറിച്ചുകളഞ്ഞെന്നും, അങ്ങനെയാണ് ഈ "തോലികാനാമം' അദ്ദേഹത്തിനു കിട്ടിയതെന്നും ഒരൈതിഹ്യമുണ്ട്. സത്യം എന്തുമാകട്ടെ, ഭാഷയുടെ തൊലിപ്പുറത്തിനകത്തേക്ക് കടന്നുചെന്ന് വാഗ്‌ലീലകള്‍ കൊണ്ട് അതിനെ മറുഭാഷയാക്കുന്ന ഒരു ഇന്ദ്രജാലം തോലന്റെ എഴുത്തിനുണ്ട്.

മൊത്തം ഭാഷയെത്തന്നെ ചിരിക്കുളള മരുന്നാക്കി തോലനില്‍ പ്രവര്‍ത്തിക്കുന്ന  സര്‍ഗ്ഗാത്മകപ്രതികരണങ്ങളെല്ലാം  ‘ഹൈ കള്‍ച്ചറി’നെതിരെ ‘ലോ കള്‍ച്ചര്‍’ നടത്തുന്ന ഒളിപ്പോരായി കാണുക കൂടി ചെയ്യുമ്പോഴേ ശരിയായ രീതിയില്‍ തോലനെ വായിക്കാനാകൂ

സഭ്യതയെ അസഭ്യതകൊണ്ട് അഭിമുഖീകരിക്കുക, വ്യക്തഭാഷയില്‍ വ്യംഗ്യങ്ങളുടെ ഒട്ടേറെ മറുപാഠങ്ങള്‍ ഒളിപ്പിച്ചുവെക്കുക, ശബ്ദാലങ്കാരങ്ങള്‍ കൊണ്ട് ശ്രോതാവിന്റെ അര്‍ത്ഥഗ്രഹണശക്തിയെത്തന്നെ ചോദ്യം ചെയ്യുക തുടങ്ങി നിരവധി ഭാഷാപരീക്ഷണങ്ങള്‍ തോലന്റെ കവിതയിലുണ്ട്. ഒന്‍പതോ പത്തോ നൂറ്റാണ്ടില്‍ ജനിച്ച ഈ കവിയാണ് മണിപ്രവാളത്തിനു തുടക്കം